«Мындан ары да законнга тюзлюк бла къуллукъ этеригигизге ишеклигим жокъду»

КъМР-ни Башчысы Казбек Коков республиканы прокуратурасында ишлегенлени  профессионал байрамлары бла – Прокуратурада ишлегенлени кюню бла – алгъышлагъанды.

«Къабарты-Малкъар Республиканы прокуратурасыны хурметли ишчилери эмда ветеранлары! Профессионал байрамыгъыз бла жюрегимден къызыу алгъышлайма!

Прокуратура къыралны ышаннгылы таянчагъыды, аны правону сакълау системасыны магъаналы кесеклеринден бириди, закон бла тюзлюк дайым бийлик этерлери ючюн къаты сюеледи.

Къабарты-Малкъар Республиканы прокуратурасы да инсанларыбызны праволарын бла эркинликлерин къоруулауда, законлукъну бла право низамлыкъны кючлеуде баш магъананы тутуп келеди, терроризмге бла экстремизмге, аманлыкъчылыкъгъа бла коррупциягъа къажау кюрешни тири бардырады.

Анда ишлегенле ишлерин билгенлери, тюзлюкню жакълагъанлары, антларына кертичиликлери бла айырмалыдыла. Ма ол ышанлары алагъа республиканы бла къыралны экономика сейирлерин, предпринимательлени эркинликлерин къоруулауда жетишимле болдурургъа болушадыла,  узакъ болжаллы планларыбызны бла социал программаларыбызны толтурууда да бизге себеплик этедиле. 

Регионну прокуратурасына пенсиячыланы, сакъатланы, ёксюзлени, кёп сабийли юйюрлени эркинликлери къалай сакъланнганларына, энчи аскер операциягъа къатышханла эмда аланы юйюрлери социал болушлукъ бла къалай жалчытылгъанларына контрольну бардырыу жаны бла ишни дайым да жетишимли бардыргъаны ючюн бек ыразыбыз. 

Борчларыгъызны бет жарыкълы толтургъаныгъыз ючюн жюрегимден ыспас этерге сюеме. Мындан ары да халкъыбызгъа, Ата журтубузгъа бла Законнга тюзлюк бла къуллукъ этеригигизге, къуллукъ борчларыгъызны намысы бла толтурлугъугъузгъа бир ишеклигим жокъду. Барыгъызгъа да кийик саулукъ, жетишимле эмда игиликле тежейме»,- деп айтылады КъМР-ни Башчысыны алгъышлау сёзюнде.