Дунияда эм уллу гебенекледен бири

Кёп болмай Нальчикни Ботаника бахчасында Филиппинледен келтирилген гинжиден гебенек жаратылгъанды. Къабарты-Малкъар къырал  университетни алимлери айтханнга кёре, ол  къанатлары чешуялагъа ушагъан дунияда эм уллу  гебенекледен бирине саналады. 

- Ол, уллудан сора да, сейир  этерча акъыллыды. Аны къанатларыны формасы жилянны башына  ушайды. Анга табийгъат бла берилген тюрсюню къанатлыладан бла жаныуарладан сакъланыргъа болушады. Къоркъуу чыкъгъан заманда ол, аланы жайып, акъырын къымылдатып, жилян сюелип тургъаннга ушатады. Аллай кезиуде кёпле бир жанлы болургъа излейдиле,- дейди Ботаника бахчаны таматасы Мурат Бахов.

Гебенекни къанатларыны кенгликлери 30 сантиметрге жетедиле.  Ол Халкъны бирлигини кюнюнде жаратылгъаныны себепли, анга «Байрамлы»  деп аталгъанды. Аны кёп тюрсюнлю  къанатлары  уа анга артыкъ кере шагъатлыкъ этеди. 

Гебенекни бу тюрлюсю учаргъа артыкъ бек  сюймейди. Кёбюсюнде, кючюн аяп, жеринде шош турады. Аны хайырындан бахчаны жокълагъанла  анга тынгылы къараргъа онг табадыла. Анга бир тюрлю заран жетмез ючюн, аны  мияла ичинде оранжереяда тутадыла.