Тынгылы эм къоркъуусуз болурча

Кёп болмай  "Нальчик" халкъла аралы  аэропортда хауа пунктну хайыры бла,    Россей Федерацияны чегинден ётерча амалгъа аталып,   координация советини кенгеши болгъанды. Анга  Россельхознадзорну Шимал-Кавказда регионла аралы управлениясыны, КъМР-ни Къурулуш эмда жашау журт-коммунал мюлк министерствосуну, республикада Къоркъуусузлукъну жалчытыуну федерал службасыны эм  аэропортну келечилери да къатышхандыла.

Алай бла келир жылда аэропортну инфраструктурасын жангыртырча уллу иш этилликди. Аны себеплиги бла къыралны ичинде бардырылгъан  эм халкъла аралы рейслеге да иги кесек къошуллукъду. 
Ишлени кезиуюнде аэропортну жиберген пунктуну паспортуна эм  технология схемасына да  тюрлениуле кийирирча соруула сюзюлгендиле.     Ол санда жюклеге, товаргъа, карантиннге кийрилген продукциягъа, къолгъа алыргъа жарагъан хуржунлагъа, комплекс халда этилген тинтиулеге эм башха соруулагъа да къаралгъанды.