Алгъа - Ата журтну къоруулаугъа

Республикалы аскер комиссариатдан «Эльбрус» атлы аскер бёлюмню сатырларына кеси ыразылыкълары бла къошулгъан жашланы къауумун къуллукъ этерик жерлерине ашыргъандыла.

Аланы ашыра, чакъырыу сёзюн аскерчилеге, аланы жууукъларына Къабарты-Малкъар Республиканы Правительствосуну Председателини экинчиси Залим Кашироков айтханды:

«Хурметли шуёхла! Бюгюн биз кеси ыразылыкълары бла жангы къурала тургъан «Эльбрус» аскер бёлюмлеге келгенлени къауумун ашырабыз. Бу аскер бёлюмге КъМР-ни Башчысыны атындан хар биригизге да ыразылыгъыбызны билдирирге сюеме. Жашланы хар бири аскерде керекли затла бла толу жалчытылынырыкъдыла. Сиз аскер борчугъузну толтуруп, юйлеригизге сау-саламат къайтырыгъызгъа ийнанабыз. Хорларыгъыбызгъа ишеклик жокъду».

Сюд приставланы Федерал службасыны Къабарты-Малкъар управлениясыны башчысыны орунбасары Хусен Танашев былай айтханды:

«Бюгюн «Эльбрус» аскер къауумну санында бизни эм иги ишчилерибизден тёрт жаш бардыла. Ала башхалагъа юлгю боллукъларына ийнанама. Ахшы жолгъа барыгъыз, сизни хорлам бла сакълайбыз!»

Залим Кашироков бу аскер бёлюмге Къабарта-Малкъар Републиканы байрагъын саугъа этгенди.