Къайтармаз ючюн унутмазгъа

1942  жылда ноябрь айны 27-ден 28-не дерни эрттенлиги Черек районну тарыхында эм къыйын бетлеринден бириди. Капитан Фёдор Накинни башчылыгъында НКВД-ны бёлюмю бардыргъан операцияны кезиуюнде Огъары Малкъарда бир къауум эл тюп этилгенди, аланы ичинде – Сауту, Глашлары, Кюнлюм, Огъары Чегет.

Къысха заманны ичинде бу эллени  адамларын къыргъандыла. Тарыхчыла белгилегенден, ол мамыр тынч, мамыр жашау этгенлеге зорлукъну акты болгъанды.

Бюгюнлюкде Черек трагедияны къуру Огъары Малкъарны адамлары угъай, саулай  республика да бушуу этип эсгереди. Тарыхчыла, миллетни тарыхына, адабиятына, маданиятына къайгъыргъанла, ол болумдан кёзлери бла кёргенледен тынгылы хапар жыйып, келир тёлюле уруш жыллада болгъан ишлени  юслеринден билсинле деп, материалла басмалайдыла. Элни, районну адамлары трагедиялы ишлеге атап жыл сайын ёлгенлени эсгередиле, выставкала къурайдыла, тарыхчыла бла тюбешиуле бардырадыла.

Бу трагедия тарыхда тюзлюкню сакъларгъа эм зорлукъ этилиу адам улуну къадарында къаллай къыйын эсгериуле къойгъанын эсге салады.