Къоркъуусузлукъ жууаплылыкъны излейди

Кёп фатарлы юйледе атлауучла бла чыкъгъан майданчыкълада адамлагъа мюлклерин, аберилерин къояргъа эркин этилмейди, деп билдиредиле МЧС-ни регионда Баш управлениясындан.

Аякъ машинала, самокатла, коляскала, аллай башха затла къыйын болумда адамланы чыгъаргъанда чырмау этерикдиле. Законнга тийишлиликде быллай мюлклерин инсанла энчи белгиленнген жерледе къояргъа боллукъдула. Къутхарыу жолланы кенгликлери бла узунлукълары юйлени ишлегенде проектледе мекямланы бийикликлерине эмда алада къаллай бир адам жашарыгъына кёре белгиленедиле. Ала жангызда адамланы чыгъарыугъа чырмау этгенлери бла къалмайдыла, щитлеге бла от ёчюлтюу кранлагъа да жетерге къоймайдыла, сора кеслери да терк къабыныргъа боладыла.

Подъездледе хапчукларын  къойгъанла административ жууапха тартыладыла: инсанлагъа 15 мингнге дери тазир салынады, къуллукъчулагъа – 30 минг, энчи предпринимательлеге уа – 60 минг. Мардалагъа бузукълукъ этгенни хатасы бла от тюшгенде адам ёлген эсе, ол уголовный жууапха тартыллыкъды, аны эркинлиги да сыйырыллыкъды. Бузукълукъчу къоншулагъа тарыгъыуну жашау журт инспекциягъа жазаргъа боллукъду.