«Алтын» бла «кюмюш» келтиргендиле

Кёп болмай Владикавказ шахарда Россейни Аскер къол тюйюшледен союзу къурап, «Мамырлы Кавказ-2025» деген эришиу ётгенди. Анда, битеу стильли каратеден 8-9-жыллыкъланы араларында эрише, яникойчула Малкъондуланы Темирлан (37кг) бла Залимхан (35 кг) жетишимли болуп къайтхандыла.

Тренер Астемир Жамбеевде жарау этген жаш спортчула кеси ауурлукъларында финал сермешлеге жетип, «алтын» эм «кюмюш» алгъандыла. 

Темирлан бла Залимхан спортну бу тюрлюсю бла кюрешгенли 2 жыл болады. Ол кезиуден ала даражалы эришиуледе алчы жерлеге тийишли бола келедиле.