Жаш шахматчылагъа – ахшы сынау

«Каисса» шахмат арада классика, терк эм блиц шахматладан сабийлени эм жаш адамланы араларында республиканы биринчилиги къуралгъанды. Анда хорлагъанлагъа СКФО-ну биринчилигине къатышыргъа эркинлик берилгенди.

 Классика шахматладан сынаулагъа районлада хорлагъанла жиберилгендиле, битеу да 95 сабий. Аладан алчы жерлеге Ахматланы Амина, Элла Рехвиашивили, Акъбайланы Артур, Жаболаны Адам, Бабаланы Алий, Черкесланы Кантемир эм башхала чыкъгъандыла. Терк шахматлада кеслерин 125 инсан сынагъанды, аладан майдаллагъа Эристауланы Амира, Ахматланы Амина, Черкесланы Кантемир, Улбашланы Амина, Бабаланы Лейля, дагъыда талай спортчу тийишли болгъандыла. Блицде уа хорлагъанланы санына Текуланы Эмир, Улбашланы Амина, Эристауланы Амира, Гелястанланы Дамир, Снежана  Ардашаева, Абайланы Тамила  эм  башхала къошулгъандыла.

 СКФО-ну биринчилиги Черкесскде ётерикди, аны эсеплери ноябрьни аллында белгили боллукъдула.