Къабарты-Малкъар Республиканы Башчысы К.В.Коковну Эл мюлкде эмда жарашдырыучу промышленностьда уруннганланы кюню бла Алгъышлауу

 Къабарты-Малкъарны эл мюлкюню бла агропромышленный комплексини хурметли ишчилери эмда ветеранлары!

Сизни профессионал байрамыгъыз - Эл мюлкде эмда жарашдырыучу промышленностьда уруннганланы кюню бла - жюрегимден къызыу алгъышлайма.

Сизни иш кёллюлюгюзню бла усталыгъыгъызны хайырындан агропромышленный комплекс биле-биле игиленнгенди, республиканы экономикасыны бек жетишимли эмда тутхучлу айный баргъан бёлюмлеринден бирине айланнганды. Ахыр жыллада бёлюм мирзеуден, тахта кёгетледен бла жемишледен бир заманда да болмагъанча бай тирлик алыннганы, этден, сютден да бютюн кёп чыгъарылгъаны, жарашдырыучу производствону ёсгени бла да атын айтдыргъанды.

Бюгюнлюкде аграрчыла ич рынокну аш-азыкъны битеу тюрлюлери бла жалчытадыла. Тышына да эл мюлк продукциядан кёп-кёп жиберилип барады.

Ол жетишимлени мурдору уа, айхай да, элде уруннганланы, жарашдырыучу предприятиялада ишлегенлени бийик усталыкъларыды, ишлерине жууаплы кёзден къарагъанларыды, башламчылыкъ эте билгенлериди. Сизге арымай-талмай уруннганыгъыз, ишигизге жюрегигиз бла берилгенигиз, республикагъа, саулай къыралыбызгъа да бек магъаналы болгъан бийик кёрюмдюле болдуругъаныгъыз ючюн жюрегимден ыспас этеме.

Таукеллигигизни, жангы техниканы бла шёндюгю амалланы хайырланыргъа хазыр болгъаныгъызны себеби бла агропромышленный комплекс мындан ары да экономикабызны алгъа элтген кюч болгъанлай къаллыгъына ишексизме.

Кесибизни жаныбыздан а къырал болушлукъну дайым тапдыргъанлай турлугъубузгъа, эллени айнытыр, адамларыбызны жашау къолайлыкъларын игилендирир ючюн, битеу керекли мадарла этеригибизге ышандырама.

Жюрегими теренинден алгъыш эте, сизге кийик саулукъ, монглукъ эмда ырахатлыкъ тежейме!