Къабарты-Малкъар Республиканы Башчысы К.В. Коковну Устазны кюню бла алгъышлауу

Къабарты-Малкъар Республиканы Башчысы К.В.Коковну Устазны кюню бла алгъышлауу
 

Къабарты-Малкъарны билим бериуюню хурметли ишчилери эмда ветеранлары!

  Сизни профессионал байрамыгъыз бла – Устазны кюню бла - жюрегимден къызыу алгъышлайма!

Устазгъа жамауат не заманда да энчи хурмет этгенди. Сиз боюнугъузгъа къыйын, алай бек жууаплы борчну алгъансыз. Окъуучулагъа тийишли билим бергенле, аланы хар бирини да хунерликлерин ачыкъларгъа болушханла, деменгили къыралыбызгъа жууаплы, алгъа талпыннган, айныргъа сюйген инсанланы ёсдюргенле да ма сизсиз, устазла бла насийхатчыла. 

 Къабарты-Малкъарда фахмулары бла атларын айтдыргъан, усталыкъларын сюйген, анга жюреклери бла берилген, окъуучуларына уллу сюймекликлери, ала намыслы адамла, Ата журтубузну чынтты патриотлары болуп ёсерлерине къайгъыргъан устазла бек кёпдюле.

Огъурлу эмда бек магъаналы жумушну тындыргъаныгъыз, сабийлеге жюрек жылыуугъузну къызгъанмай  бергенигиз эмда сайлагъан усталыгъыгъызгъа кертичи болгъаныгъыз ючюн ыразылыгъымы билдиреме. Билим бериу мындан ары да баш магъаналы бёлюмледен бири болгъанлай къаллыкъды эмда анга дайым тутхучлулукъ этилликди. Мында инфраструктураны бютюн тири айнытырыкъбыз эмда аны жангырта барлыкъбыз, сабийле шёгндюгю заманнга келишген  тынгылы билим алыр ючюн къолубуздан келгенни аярыкъ тюйюлбюз. Аны бла бирге устазны даражасын кётюрюуге, социал болумун игилендириуге да эс буруллукъду.

 Барыгъызгъа да кийик саулукъ, жетишимле эмда монглукъ тежейме. Бар игиликле да сизни болсунла!