«Кюн шахар» ‒ алчыланы санында

Белгили RAEX рейтинг агентство билдиргенине кёре, ала жыл сайын школну бошагъанланы даражалы россей вузлагъа окъургъа киргенлерин тинтедиле. Анга кёре быйыл КъМР-ни Жарыкъландырыу эмда  илму  министерствосуну «Кюн шахар» сабий чыгъармачылыкъ академиясы медицина вузлагъа тынгылы абитуриентлени хазырлауу бла Россейни эм иги школларыны санына киргенди.

Рейтингде «Кюн шахар» башда сагъынылгъан кёрюмдюлеге кёре Россейни эм иги 100 школуну санына кирип, 17-чи жерни алгъанды. «Кюн шахарда» окъугъан сабийлени асламысы медицина жаны бла билим берген белгили федерал вузланы бюджет халда окъутхан бёлюмлерине киргендиле.

Эсге сала айтсакъ,  лицейни къошумчулугъу бла жыл сайын тюрлю-тюрлю предметледен  жюз балл алгъан школчуланы санына дайым къошула барады. Андан сора да, ала битеурссей олимпиадалада бла конкурслада биринчи жерлеге тийишли болгъанлай турадыла.