Ишлеген пенсиячылагъа – себеплик

6 августа, 2025 - 17:04

Августда Социал фондну регионда бёлюмю 2024 жылда ишлеген абаданланы пенсияларыны страховой кесеклерин кёбейтгенди. Алай бла жыл санлары жетип неда сакъатлыкъ бла пенсия алгъан 37 минг инсанны тёлеулери уллуракъ болуп келликдиле. 

Къошулгъан ахчаны ёлчеми адамны былтыр иш хакъына кёре тергелирикди, алай 3 пенсия коэффициентден кёб а боллукъ тюйюлдю. Коэффициентле да пенсия къайсы жылдан тёленип башлагъанына кёре саналырыкъдыла, ала къаллай бир жыйылгъанларын къырал жумушланы порталында энчи кабинетде выписка алып къараргъа боллукъду.   

Августда къошакъ ахча, хар замандача, бёлюмде болгъан данныйлеге кёре тёленирикди, аны алыр ючюн, адамладан заявление жазарлары изленмейди. Соруула бла фондну контакт арасына 8-800-1000000-1 номер бла сёлеширге боллукъду, ол хакъсызды.

 

Кульчаланы Зульфия.
  • 28 просмотров
Поделиться: