Ветеранны алгъышлагъандыла

 Бу кюнледе Белоруссия немис-фашист ууучлаучуладан азатланнган кюнню къууанчлы халда белгилейди. Аны бла байламлы  Май районну  администрациясыны башчысы Татьяна Саенко,  КъМР-де «Россейни халкъларыны ассамблеясы» регион организацияны башчысы эмда МЧА-ны таматасы Хаути Сохроков,  Нальчикде  Маданият фондну башчысы Люаза Макоева, «Боевое братство» жамауат организацияны толтуруучу комитетини председатели  Владимир Абаноков, организацияны келечиси  Темуккуланы Мурат, Май районну ветеранларыны советини эмда 5-чи номерли орта школну окъуучуларыны келечилери Уллу Ата журт урушну ветераны Василий Иванович Дегтяренкону жокълагъандыла эмда туугъан кюню бла алгъышлагъандыла.

Василий Ивановичге 99 жыл толгъанды. Ол  уруш жолла бла Берлиннге дери жетип, Рейхстагны къабыргъасында къол жазмасын къойгъанды.

«Ол къаллай сынауладан ётгенин акъылынга келтирген окъуна да къыйынды. Бюгюн  аны туугъан кюню бла алгъышлай, мындан ары да кёп жылланы жаша, огъурлу акъсакъал!- дейбиз. Аны  уруш заманда этген кишилиги унутуллукъ тюйюлдю. Уллу Ата журт урушча кюйсюзлюк къайтарылмаз ючюн, мындан ары да сабийлерибиз, туудукъларыбыз чууакъ кёкню тюбюнде  зауукълу жашар ючюн,  биз аны эсде тутаргъа борчлубуз. Ол бизни  ветеранланы эмда жашауларын  бюгюннгю кюнюбюз ючюн бергенлени алларында борчубузду»,-дегенди  Хаути Сохроков.