Жерчиликге энчи эс буруллукъдуКъабарты-Малкъарны мектеплеринде жангы окъуу жылдан тёрт агротехнологиялы класс ачыллыкъды. Бу жумуш «Ашарыкъланы къоркъуусузлукъларын технологияла жаны бла жалчытыу» атлы миллет проектни чеклеринде боллукъду. Аны мураты уа аш-азыкъ жаны бла болумланы аланы айнытыргъа бютюнда себеплик этерик илму ызлагъа бегирек эс бурууду. Алай бла быллай профильли классланы Тырныаууз шахарны 1-чи номерли лицейинде, Красноармейское элни битеулю билим берген мектебинде, Кишпекде, Кубада 1-чи номерли орта школда ачаргъа белгиленеди. Быллай башламчылыкъ халда проект эл мюлк производствола регионну экономикасында танг кесекни алгъан жерледе жашаугъа кийирилликди. Ол а ёсюп келген тёлюню жерчилик бла байламлы усталыкълагъа сейирлерин къозгъау эмда кёллендириу бла байламлыды. Алай бла, тохташдырылгъан программалагъа тийишлиликде, быллай класслада физика, химия, биология эмда математика дерследен терен халда билим берилликди. Аны бла бирге уа, белгиленнгенича, жерчиликге, эл мюлкде хайырланылгъан шёндюгюлю технологиялагъа да аслам эс буруллукъду.
Поделиться:
Читать также:
14.10.2026 - 15:58 →
«Бирлик - инсанлыкъ жууаплылыгъыбызны ангылаудан башланады»
13.10.2026 - 10:00 →
«Сабийни эси, акъылы, дуниягъа кёз къарамы къуралыр кезиуге магъаналы затлагъа эс бурулса игиди»
12.10.2026 - 15:38 →
«Хар устаз да кесича тюшюне болур сабийлени къылыкъларына»
09.10.2026 - 14:46 →
Усталыкъгъа сейирлерин къозгъай
08.10.2026 - 11:03 →
Ёсюп келген тёлю китапны сюерча
| ||
