Суула кётюрюлюр кезиуге хазырланадыла

Жаз башында бла жайда  черекледе суула кётюрюлген кезиудю. Аллай заманлада «Россети Шимал Кавказ»-«Каббалкэнерго»  компания ток бла жалчытыу тыйгъычсыз болурча мадарла этеди. Аны ючюн деп «Каббалкэнергону» специалистлеринден  энчи комиссия да къуралгъанды. 

Аны борчу - юйрениуле бардырыуду, сууланы кётюрюлгенлеринден, жер кёчюуден сакълагъан сооруженияланы болумларына да дайым кёз-къулакъ болууду, кемчиликле мычымай кетерилирча этиудю. 

Ток бла жалчытыучу мюлклени иги кесеги череклени жагъаларына жууукъдадыла. Элбрус, Черек, Прохладна, Лескен,  Урван, Май Компаниядан билдиргенлерича, юйрениулени кезиуюнде  къыйын болумну заманындача материалла, техника эм оборудование да хайырланыллыкъдыла. Ишчиле да тийишли сынауладан ётерикдиле. Къыйын болумну  кезиуюнде аварияланы къысха заманда кетерирча мадар  этиу баш борчларыбыздан бириди. Экспертлени оюмларына кёре, суу быйыл майны экинчи кесегинде кётюрюлюп башларыкъды эмда ол хал сентябрьге дери сакъланырыкъды. 

Быллай кезиуледе Гидрометеорология службадан эмда МЧС-ни КъМР-де Баш управлениясындан берилген шартла хайырланыладыла. Компанияны кесинде да энчи техника, машинала эмда механизмле хазырлыкъгъа келтириледиле, тийишли бригадала къураладыла, ала бла ангылатыу иш бардырылады.