Даражалы эришиуден – иги кесек майдал бла

Дондагъы Ростовда шёндюгю пятиборьеден олимпиаданы чемпиону Андрей Моисеевни саугъаларына битеуроссей эришиу къуралгъанды. Анга къыралны  регионларындан 14 жыллары толмагъан 150-ге жууукъ спортчу къатышханды.

Къабарты-Малкъардан Къалабекланы Азизаны бла Краснодардан София Жабкинаны тюбешиулери эм сакъланнганладан бири болгъанды. Жюзюуде эм кючлю болуп, Азиза чабыуда да алчылыкъны ычхындырмагъанды. Алай бла жерлешибиз энчи эсепде биринчи жерге чыкъгъанды.

Экинчи жерлеге уа Тимур Хакулов, Арианна Глигория, Эллина Кунижева эм башхала чыкъгъандыла. Быллай кёрюмдюле бла регионубузну къаууму битеукомандалы  эсепде экинчи болгъанды. Саугъаларын алагъа Андрей Моисеев кеси бергенди.