Жемишле сакъланнган жерлеге къошулгъанды

Былтыр Къабарты-Малкъарда кёгетледен бир жолгъа 31,7 минг тоннаны сакъларча комплекс ишленнгенди. Саулай алып айтханда, бюгюнлюкде 330,2 минг тоннагъа жер барды.

Жыл сайын жемиш эм наныкъ бахчалыкълагъа танг къошула барады. Ол себепден аланы тирликлерин сакъларча жерлеге да сурам ёседи.

Бюгюнлюкде кёгетле бла наныкъланы жылны узуну сакъларча эм адамланы качестволу продукция бла жалчытырча  энчи жерле болмай жарырыкъ тюйюлдю. Келир заманда къыралны болушлугъу бла аланы санына энтта да къошула барлыкъды.

Эсге сала айтсакъ, бюгюнлюкде Къабарты-Малкъар  терек бахчалыкъларыны  саны бла юч алчы регионну тизмесине киреди.