Сютден бла этден иги кесек чыгъарылгъанды

Былтыр Къабарты-Малкъарда эл мюлк предприятияланы барында да сютден 37 минг тонна чыгъарылгъанды. Ол санда ичерге жараулу къаймакъдан 127 тонна. Алай бла былтыр бла тенглешдиргенде, эки къауумда да 11 эм 3,7 процент ёсюм эсленеди.

Саулай алып айтханда, сагъынылгъан кезиуде ашарыкъладан 2,8 процентге аслам сатылгъанды, деп билдириледи КъМР-ни Эл мюлк министерствосундан.

Эт продукцияны юсюнден айтханда да, былтыр малланы бла юй къанатлыланы этинден союлмагъан ауурлукъда 154,6 минг тонна сатылгъанды неда 8,5 процентге кёп. Алай бла этчилик жаны бла республика Шимал-Кавказ федерал округда биринчи жерни алады.

Эт продукциядан эм кёп союлмагъан ауурлукъда Прохладна (30,3 ), Бахсан (22,2), Чегем (17,3), Зольск (14,2 ) эм Терк район 14 минг тонна чыгъаргъандыла. Анга кёре республикада чыгъарылгъан этден сагъынылгъан районлагъа 63 процент жетеди.