Сабийлени багъаргъа аламат онгла къуралгъандыла

 Нальчикни Шогенов атлы орамда орналгъан поликлиникасына тынгылы ремонт этиу медицина жаны бла жумушланы тамамлауну качествосун игилендириуге себеплик этерикди, деп жазгъанды КъМР-ни Башчысы Казбек Коков кесини-телеграм каналында. 

«Сабий поликлиникада тынгылы ремонтну бардырыу анда ишлегенлени онглары эмда саусузлагъа къарагъанда болумла да  игиленнгенлери баямды. Отоула жылы эм жарыкъ болгъандыла, жылыу берген система эм суу бла жалчытхан быргъыла толусунлай алышындырылгъандыла, терезеле, эшикле,  полу да жангыртылыннганды.  Къоркъуусузлукъ жаны бла да мадарла этилгендиле, ол санда от тюшген кезиуню билдирген шёндюгюлю система салыннганды. 

Поликлиниканы ичи «аяулу» технологиялагъа кёре къуралгъанды, адамла врачлагъа приёмгъа келгенде,  ала бир бирлерине чырмамазча эм жуукъгъан ауруула  да жукъмазча къуралгъандыла. Хар кабинет энчи жерни алады, ол амал врачланы ишлерин женгиллендирирге эм адамланы жарсыуларына къыйматлы къараргъа онг береди.

Шёндюгюлю оборудование эм жангы мебель а врачлагъа тынгылы ишлерге, алларына келген сабийлеге къаратыргъа эслерин къайгъысыз, толусунлай бёлюрге онг береди. Жангыртыу ишле «Узакъ эм тири жашау» федерал программаны чеклеринде бардырылгъандыла»,- деп айтылады билдириуде.