Чималаны Магомет – «Жылны студенти»

Къабарты-Малкъар къырал университетни ючюнчю курсуну студенти Чималаны Магомет «Жылны студенти» битеуроссей миллет премияны лауреаты болгъанды.

Премиягъа 200-ден аслам  вуздан 600-ден аслам студент къатышхандыла. Жюри Магометни «Чыгъармачылыкъ бла кюрешген инсан» бёлюмде хорламгъа тийишли кёргенди. Магомет музыканы гитчелигинден бери да сюеди, кеси жырла жазады эм жырлайды. Мындан арысында ол хунерин айнытыр умутлуду. Бюгюнлюкде ол университетни Социал-Гуманитар институтунда «Жаш тёлю бла ишни къурау» бёлюмюнде окъуй турады.

«Жылны студенти» чыгъармачылыкъ, спорт, илму бла кюрешген фахмулу жаш адамланы ачыкълар, аланы хунерлерин айнытыргъа себеплик этер муратда 2018 жылдан бери бардырылады.