Ууну юйюнде ичерге къойгъандыКъМР-де МВД-ны наркотиклени сатыу-алыугъа контроль этиу жаны бла управлениясыны полициячылары излеу-тинтиу жумушла бардыргъан кезиуде 62-жыллыкъ нальчикчини тутхандыла. Ол кесини жашау журтунда жыйылгъан инсанлагъа наркотиклени ичерге къойгъанды, деп билдиргендиле бизге право низамны сакълаучу органны пресс-службасындан. Эр кишини фатарын тинтген кезиуде полициячыла шприцле эмда наркотиклени ичгенде хайырланнган затла, темир аякъ, ууну къалгъанлары бла шеша эмда 49,2 грамм «марихуана» тапхандыла. Фатарны иеси ала бла наркотиклени ичгенле хайырланнганларын айтханды. Полициячыла излеу жумушланы бардыргъанда мекямда 41-жыллыкъ тиширыу болгъанды. Ол фатарны иесини эркинлиги бла наркотиклени ичерге келгенин билдиргенди. Тиширыуну медицина тинтиулеге ашыргъандыла. Ол наркотикден эсирип тургъаны тохташдырылгъанды. Алгъаркълада уа полициячыла эки инсанны тутхандыла, ала ууну ичгенлери ючюн РФ-ни КоАП-ыны 6.9-чу статьяларына кёре административ жууапха тартылгъан эдиле. Ала да наркотиклени белгиленнген фатарда ичгенлери тохташдырылгъанды. Эр кишиге РФ-ни УК-сыны 228-чи статьясыны 1-чи кесегине (наркотиклени, психотроп затланы эм алагъа ушаш ууланы законсуз асырагъаны ючюн) эм 232-чи статьясыны 1-чи кесегине (притонну къурагъаны неда журтда дайым да наркотиклени ичерге къойгъаны ючюн) кёре терслеу материалла ачылгъандыла.
Поделиться:
Читать также:
05.02.2025 - 15:12 →
Миллет паркны жерлеринден юлюш бёлгенди
04.02.2025 - 10:23 →
Низам – къоркъуусузлукъну мурдору
31.01.2025 - 15:46 →
Жетишимле ачыкъланнгандыла, борчла салыннгандыла, болжалла белгиленнгендиле
31.01.2025 - 08:49 →
Информация «фронтда» - 30 жыл!
29.01.2025 - 13:00 →
Юй алгъанда – эсгертиуле
|