«Артха бир атлам да этмезге!» деген буйрукъгъа кертичиликни юлгюсю2 февральда Россейде Аскер махтаулукъну кюню белгиленеди. Ол Сталинград ючюн сермешледе совет аскерчилени хорламларыны кюнюне жораланып тохташдырылгъанды. Аны бла байламлы КъМР-ни Башчысы Казбек Коков кесини телеграм-каналында былай жазгъанды: «Уллу Ата журт урушну бек кюйсюз сермешлеринден бири 200 кюн бла кече баргъанды. Ол 1942 жылны 17 июлунда башланып 1943 жылны 2 февралында совет аскерлени хорламлары бла бошалгъанды. Сталинград ючюн къазауат башланнганда чыкъгъан эди Баш Главнокомандующини «Артха бир атлам да этмезге!» деген белгили буйругъу. Къызыл аскерни аскерчилери анга кертичи болгъандыла, артха турмагъандыла. Донну бла Итил сууну тийрелериндеги фронт а 850 километрге созулгъан эди. Къазауатха эки жанындан 2 миллиондан аслам солдат къатышханды. Немисли фашистле, не амал да этип, шахарны иги кесегин къолгъа этген эдиле, алай совет аскерчиле, Итил сууну жагъасында къанлы къазауатха кирип, къанларын-жанларын аямай сермешгендиле. Душман,не бек кюрешген эсе да, аланы хорлаялмагъанды. 1942 жылны ноябрь айында уа «Уран» операция башланады, совет аскерле алгъа ёшюн ургъандыла эмда ол къазауат 2 февральда хорлам бла бошалгъанды. Сталинград сермеш Уллу Ата журт урушну барыу халын тамыры бла тюрлендиргенди. Ол саулай да Экинчи дуния урушда уллу тюрлениулени башланыулары болгъанды, Германиягъа жашырын эмда ачыкъдан жакъ басханланы анга ышаныулары азайып башлагъанды. Капитуляциядан сора Германияны 6-чы армиясы толусунлай жокъгъа саналгъанды, ол кюн немис къыралда уруш жылланы ичинде биринчи кере миллет бушуугъа саналгъанды. Совет Союз а душманны жеринден сюрюу жаны бла уллу сермешлеге хазырланып тебирегенди».
Поделиться:
Читать также:
07.02.2025 - 12:02 →
Элни бети-адетинде
07.02.2025 - 08:30 →
Ата-бабаларыбыз сютден, этден да къаллай тюрлю ашарыкъла хазырлагъандыла
06.02.2025 - 10:11 →
Сабийликден урунуугъа юйрене
06.02.2025 - 07:30 →
Жюреклени бийлеген тауларыбыз
05.02.2025 - 15:11 →
Мадарымлылагъа – тап амал
|