Жаз башы ишлеге хазырланадыла

30 января, 2025 - 10:48

КъМР-ни Эл мюлк министерствосундан билдиргенлерича, бюгюнлюкде жерчиликде къармашханла  жаз башы кезиулю ишлени графикден кеч къалмай эм тынгылы тамамларча хазырланадыла. Белгилисича, жумушла комплекс халда этилмеселе,   иги тирлик алыр онг жокъду. 

Урлукъ эм минерал семиртгичле да жетерча бардыла. Алгъадан этилген эсеплеге кёре быйыл 47,5 минг тонна семиртгич къоратыллыкъды. Былтыр бу заман бла тенглешдиргенде, ол иги да кёпдю. Саулай алып айтханда, кереклиси тенгли бир къыстырыкъ этилгенди.  

Аны бла бирге  къышлыкълагъа да  семиртгичле салынадыла, фитосанитар жаны бла  мониторинг бардырылады эм тюрлю-тюрлю аурууладан бла къумурсхаладан  дарманла  чачдырыладыла.

Эсге сала айтсакъ, арт жыллада  республика минерал семиртгичлени хайырланыу бла алчы регионланы тизмесине киреди.

  • 47 просмотров
Поделиться: