Ахшы окъуучу, итиниулю боксчу![]() Къалабекланы Фархат мектепде окъугъаны, спортда жетишимлери бла да нёгерлерине ахшы юлгю кёргюзтгенлей турады. Фархат жарау этип гитчелигинден башлагъанды, боксда жетишимлери бла белгилиди. Республикалы эм битеукъырал турнирлеге дайым къатыша, алада саугъа жерлеге да чыкъгъанлай турады. Юлгюге, Тырныауузда Россейни спортуну устасы Текуланы Маратны бла тренер Муаед Дышековну хурметлерине аталгъан турнирде, 40 килограммгъа дери ауурлукъда сермеше, доммакъ майдалны къытханды. Ызы бла Терекде битеукъырал эришиуде алтын майдалны алгъанды. Анда ол эки тюбешиу бардыргъанды, аланы экисинде да къаршчы спортладан кючлю болгъанды. Мектепде ахшы окъугъаны бла чекленмей, билимин «Антарес» арада ёсдюреди, аланы экисинде да айырмалы белгиле алады. Олимпиадада къытып, сабийлени эм жаш тёлюню чыгъармачылыкъларыны «Солнечный шахар» академиясында эки ыйыкъны окъугъанды. Аны тренер Тогъузаланы Ибрагим юйретеди, ол Фархатны низамлылыгъын, иш кёллюлюгюн, итиниулюгюн да чертеди.
Поделиться:
Читать также:
06.02.2025 - 10:55 →
«Жараула жашаууму бир уллу кесегидиле»
05.02.2025 - 15:08 →
Аскерчилерибизге атап
24.01.2025 - 13:04 →
Республиканы къауумуна киргендиле
22.01.2025 - 12:19 →
Абаданлагъа бла гитчелеге – башха жорукъла
17.01.2025 - 09:09 →
Аман къылыкъладан сакъланыргъа – алланып
|