Мураты - ана тилге сейирни къозгъаргъа

Алгъаракълада Къашхатауда  Мечиланы Кязим атлы китапханада «Ана тилни юсюнден ана тилде» деген ат бла  уллу иш бардырылгъанды. Школчула ана тиллеринде назмула окъугъандыла эмда аны билирге,  тазалыгъын сакъларгъа  керек болгъаныны юсюнден кеслерини оюмларын айтхандыла.

-Ана тилни  билиу, келир тёлюлеге сакълау - хар бирибизни да борчубузду.  Анга уа миллет газетлерибиз, журналларыбыз, китапларыбыз да себеплик этедиле. Аны себепли уллу, гитче да аланы дайым окъургъа керекди, - дейди проектни автору  Чеченланы Шамильни атын жюрютген мектепде малкъар тилден бла  адабиятдан устаз Чеченланы Ариужан.

Быллай проектлени магъаналары уллуду: сабийле ана тиллерин сюйгенлери  бла къалмай,   башха халкъланы адет-тёрелерине да  хурмет этерге юйренедиле, тилни багъаларгъа, сакъларгъа кереклисине тюшюнедиле. Устазны проектини мураты  да олду.