Сабийле нек ачыгъанларын тинтедиле

КъМР-ни прокуратурасы Нальчикни санаторийлеринден биринде тургъан сабийле саулукъ сакълау учреждениягъа тюшгенлерини сылтауун ачыкълауну кесини къараууна алгъанды. Надзор ведомствону келечилери Роспотребнадзорну къуллукъчулары бла бирге тинтиуле бардыргъандыла. Толу болмагъан шартлагъа кёре, акъылбалыкъ болмагъанланы саулукълары «Кисловодск-Тында» поездде баргъанда, Минеральные воды шахарда осалгъа кетгенди. 

Тинтиуледен сора санитар-эпидемиология жаны бла законла къалай толтурулгъанларына багъа берилликди, деп билдиргендиле бизге прокуратурадан.