УФСБ: Душман аскер къауумлагъа къатышыргъа умут этгенди

 РФ-ни ФСБ-сыны КъМР-де Управлениясыны къуллукъчулары республиканы 37-жыллыкъ инсанын тутхандыла. Ол къыралгъа сатхычлыкъ этгенине хазырланнганды. Башхача айтханда, Украинада Россей Федерациягъа къажау сермешле бардыргъан аскер къауумлагъа къатышыргъа умут этгенди. 

Муратларына жетер ючюн, республиканы инсаны украинлы аскер бёлюмню къуллукъчусу бла байламлыкъла къурагъанды,  аны айтханларын этип, Белгородха баргъанды, алайдан ол Украинагъа ётерге умут этгенди.

 УФСБ-ны следствие къаууму республиканы инсанына РФ-ни УК-сыны 30-чу статьясыны 3-чю кесегине, 275-чи статьясына («Къырал сатхычлыкъ») бузукълукъла этгени бла байламлы уголовный иш ачханды. Законлагъа тийишлиликде, быллай аманлыкъ этгеннге жашаууну ахырына дери тутмакъда  тутаргъа деген оноу чыгъарылыргъа боллукъду.