«Единая Россия» партия жанлыла бла байламлыкъланы жангыртады

Партияны ара толтуруучу комитетинде «Единая Россия» жанлыланы регионлада советлерини келечилерини семинар-кенгешлери бардырылгъанды.  Анда сёз советлени бла партияны толтуруучу органларыны араларында байламлыкъланы, айырыу кампанияланы, партия къурулушну юслеринден баргъанды. Генсоветни секретарыны къуллугъун толтургъан Владимир Якушев семинарны пленар жыйылыуунда партия жанлыланы биригиулерини магъаналылыкъларын белгилегенди.

- Бюгюнлюкде партияны тизгинлерине къошулургъа сюйгенле «Единая Россия» жанлыланы институтун ётерге керекдиле. Аны ючюн  мында бир  ниетлиле  жыйылгъандыла. Биз жангырыуну жолуна сюелгенбиз -  жеринде къаллай жумушла толтурургъа кереклисин ангылар ючюн,-дегенди ол.

«Единая Россия» жанлыланы борчларыны юслеринден айта, айырыула бла бирге энчи аскер операциягъа къатышханлагъа бла аланы юйюрлерине болушлукъну белгилегенди секретарьны  къуллугъун толтургъан.

- Къырал думада партияны фракциясы эм уллуду. СВО бла байламлы соруулада уа единоросла башламчылыкъла кёп этедиле. Алай жерден келселе соруула, ол бютюнда магъаналыды. Алай бла законопроект борчлу халда толтурургъа керекли жумушлагъа буруллукъду,-дегенди   Владимир Якушев.

Андан сора да,  партия къыралны экономикасын айнытыу соруулагъа энчи эс бурады. «Биз Россейге этилген къатылыкъны барыбыз да кёребиз. Аны ючюн жангы оноула чыгъарыргъа тюшеди»,-деп къошханды докладчы эмда «Единая Россия» мындан ары да коммерциялы болмагъан организациялагъа, партия жанлылагъа болушханлай турлугъун чертгенди. Ол санда партия жанлыланы ара советинде  инсанланы башламчылыкъларына болушлукъну арасыны юсю,  грант себепликле бла да.

Жыйылыуда энчи аскер операцияда ачыгъанлагъа протезле хазырлагъан жерлени къурауну, СВО-ну ветеранларына спорт реабилитацияны, ФАП-ланы анга керекле бла жалчытыуну юслеринден айтылгъанды. Дагъыда школлада жашау этиуню къоркъуусузлугъу эм Ата журтну къоруулауну мурдору» дерсни кенгертиуню юсюнден башламчылыкъны тюзге санагъанды. «Бу теманы жарыкъландырыу министерство бла сюзерге керекди»,-деп къошханды.

Дагъыда партиягъа киргенде, аны жанлыланы тизгининде тургъан болжалланы къысхартыуну юсюнден айтылгъанды. Владимир Якушев бу заман ётгенлей адамны партиягъа алып къойгъан тюз болмагъанын, анга башха излемле салыргъа кереклисин белгиленеди.

Кенгешге «Единая Россия» жанлыланы КъМР-де регион советини сопредседатели Шауаланы Разият къатышханды. Ол  KABARDIN-BALKAR.ER.RU сайтны журналистлерине айтханыча, партия жанлыланы институту магъаналы жумушланы толтурады.

- Аны оноучула да иги ангылайдыла эмда бу къымылдауну мындан ары айнытыугъа энчи эс бурулады. Инсан башламчылыкълагъа тутхучлукъ жаны бла ара СВО-гъа къатышханлагъа себепликни чеклеринде методика, юридический болушлукъ этеди, бухгалтер эсеплени чыгъарыргъа юйретеди, коммерциялы болмагъан организацияла бла байламлыкъла къурайды. «Дискуссия клубну» мурдорунда уа магъаналы соруула сюзюледиле. Партия жанлыла айырыу кампанияны кезиуюнде да тиридиле. Алай бла бу институтну кереклисине ишеклик жокъду,-дегенди ол.