Салыннган борчла тамамланнгандыла

Къабарты-Малкъарда жолланы жангыртыу бла байламлы миллет проект ахырына жетдирилгенди.

Эки минг жыйырма тёртюнчю жылда «Къоркъуусуз тынгылы жолла» миллет проектге кёре республикабызда токъсан километр чакълы бир жол тап халгъа келтирилгенди. Проектни толтурууда Къабарты-Малкъар алчыланы санындады. Черек районда алты жылны ичинде отуз эки километр, Зольск районда – сексен сегиз, Басхан районда да алтмыш тёрт километр жолгъа къаралгъанды. Башха районлада да жолланы кёп километрлери жангыртылгъандыла. Эм магъаналы жолладан бири «Аргудан-Александровскаяды», аны узунлугъу оналты километрден асламды, кеси да Россейни автомобиль жолларыны энчи къауумуна киреди. Ол федерал автожолну Прохладна-Эльхотово регион жол бла, сора дагъыда тёрт район бла байлайды. Республиканы ара шахарында да быйыл сегиз километр чакълы бир жолгъа къаралгъанды.