Мараучула сынашхандыла

Росгвардияны энчи буйрукъла толтургъан бёлюмлерини мараучуларыны юйрениулери Къабарты-Малкъарда бардырылгъандыла.  «Эльбрус» къауумну башчысыны орунбасары Алим Д. эмда «Ястреб» отрядны инструкторлары Росгвардияны Жуковну ордени атлы Шимал-Кавказ аскер округуну бёлюмлеринде мараучуланы хазырлау жаны бла окъутуу-методика жыйылыуланы бардыргъандыла.

Юч ыйыкъны ичинде гвардиячыла кюндюз эм кече илишаннга атыуда сынауларын игилендиргендиле, ол санда тепловизор приборланы хайырланып. Энчи эс къыйын хауа болумлада ишлеуге, башха къауумла бла байламлыкъланы хайырлылыкъларын игилендириу жараулагъа бурулгъанды.

- Юйрениулени баш магъанасы гвардиячыланы профессионал сынауларын игилендириудю. Салыннган борчла барысы да толтурулгъандыла. Мараучула хазырлыкъларын кёргюзтгендиле»,-дегенди Жуковну ордени атлы Шимал-Кавказ аскер округну полицияны энчи буйрукъла толтургъан бёлюмюню таматасы Григорий З.