Жеринден тепдирилмеген мюлкню эсепге салыу жумушланы багъалары кётюрюллюкдю

Россейни Президенти Владимир Путин быйыл жайда къол салгъан 176-ФЗ номерли законнга тийишлиликде, РФ-ни Налог кодексине кёп тюрлениу кийирилгенди. Ол санда жеринден тепдирилмеген мюлкню эсепге салыу ючюн къырал пошлинаны ёлчеми байламлы да: келир жылда ала кётюрюллюкдюле, бирде уа объектни кадастр багъасы бла байламлы окъуна боллукъдула. Андан сора да,  энди быллай мюлкню кадастр эсепге салыу ючюн къыралгъа пошлина тёлерге тюшерикди, - деп билдиргендиле Къабарты-Малкъарда МФЦ-дан.

Айтылгъаныча, жангы жорукъла 2025 жылда 1 январьда кюч аллыкъдыла. Ары дери уа шёндюгю тарифле хайырланыуда боллукъдула.

Жеринден тепдирилмеген мюлкню жумушлары бла байламлы къырал пошлиналаны ёлчеми

Инсанлагъа:

• 4000 сом – быллай мюлкню кадастр багъасы 20 миллион сомдан артыкъ тюйюл эсе неда ол тохташдырылмагъан эсе;
• 0,02% кадастр багъасындан (Росреестрге сёлешген кюннге), алай келишимде кёргюзтюлген багъадан 0,02 процентден аз угъай неда 500 минг сомдан кёп угъай (кадастр багъасы 20 миллиондан артыкъ бола эсе).

Предприятиялагъа бла организациялагъа:

• 44000 сом — объектни кадастр багъасы 22 миллион сомдан аз эсе неда ол тохташдырылмагъан эсе;
• 0,2% кадастр багъасындан (Росреестрге сёлешген кюннге), алай келишимде кёргюзтюлген багъадан 0,2 процентден аз угъай неда 1 миллион сомдан кёп угъай (кадастр багъасы 22 миллион сомдан артыкъ бола эсе).

Келишимни теркирек тамамларгъа сюйгенлеге аллай онг берилликди, алай аны ючюн пошлина да эки кереге уллу боллукъду.

Кадастр эсепге салыу ючюн да жангы тёлеу

Келир жыл 1 январьдан башлап  объектни кадастр эсепге салыр ючюн, къыралгъа пошлина тёлерге тюшерикди. Ары дери уа бу жумуш хакъсыз этиледи.

Жангы тёлеуню ёлчеми

Инсанлагъа:

• 2000 сом — жангы объект къурагъанда;
• 1000 сом — объектни юсюнден информацияны тюрлендиргенде. 

Предприятиялагъа бла организациялагъа:

• 22000 сом — жангы объект къурагъанда;
• 2000 сом — объектни юсюнден информацияны тюрлендиргенде.

 Объектни кадастр эсепге салыу бла бирге анга иеликни регистрациясы да этиллик эсе, пошлина инсанлагъа быллай бир боллукъду:

• 6000 сом — быллай мюлкню кадастр багъасы 20 миллион сомдан артыкъ тюйюл эсе неда ол тохташдырылмагъан эсе; 
• 2000 сом эмда аны юсюне 0,02% кадастр багъасындан, алай келишимде кёргюзтюлген багъадан 0,02 процентден аз угъай неда 500 минг сомдан кёп угъай (кадастр багъасы 20 миллиондан артыкъ бола эсе).

Предприятиялагъа бла организациялагъа: 

• 66000 сом — объектни кадастр багъасы 22 миллион сомдан аз эсе неда ол тохташдырылмагъан эсе; 

• 22000 сом эмда аны юсюне 0,2% кадастр багъасындан (Росреестрге сёлешген кюннге), алай келишимде кёргюзтюлген багъадан 0,2 процентден аз угъай неда 1 миллион сомдан кёп угъай (кадастр багъасы 22 миллион сомдан артыкъ бола эсе).