От ёчюлтюучюле усталыкъларын кёргюзтедиле

От ёчюлтюу-пожар спортну 66-жыллыгъына аталып, тюнене Нальчикде Къабарты-Малкъарны от ёчюлтюучю бёлюмлерини араларында эришиуле башланнгандыла. Ала эки кюнню ётерикдиле, деп билдиреди РФ-ни МЧС-ни КъМР-де Баш управлениясыны пресс-службасы.

Битеу да бу эришиулеге 25 команда къатышханды. Ала да къутхарыучуланы жыл санларына кёре  жаш тёлю эм абадан къауумлагъа юлешинип бардырылгъандыла. Къууанчлы ачылыууна ведомствону башчысы Михаил Надежин къатышып, бу эришиуле от ёчюлтюу-пожар спортну айнытыу мурат бла къуралгъанларын чертгенди.

Алай бла командалагъа бачхыч бла чабышып, белгиленнген объектни терезесинден тюшерге керекди, чырмаула орнатылгъан 100 метрге чабышыуда эм от тюшген жерге келгенде этиллик битеу борчланы не къадар терк толтурууда  да  эриширге.

Хар команда да 12 адам барды. Алгъа жаш тёлю, ызы бла уа абаданла сынарыкъдыла кеслерин. Ахыр эсеплени жюри тамбла чыгъарлыкъды.