Сынамлы врачла къарагъандыла

2 сентября, 2024 - 17:33

Кёп болмай Россейни    илму-излем арасыны Астраханьда   бёлюмюню оториноларингология жаны бла специалистлери  юч кюнню ичинде Нальчикде, Элбрус, Золск, Басхан, Прохладна эм Терк  районланы ара больницаларында 150 саусузгъа къарагъандыла. Аны кезиуюнде эм онгсузлагъа саналгъан бир къауум адам федерал арада операция этилирге айырылгъандыла.

Астраханьда арада эм жангы технологияла хайырланыладыла эм тюрлю-тюрлю къыйын операцияла этиледиле. Ол санда ЛОР ауруула бла байламлы. Къулакълары эшитмегенлени бир къауумуна кохлеарный имплантатла салып болушадыла.

Бу жол белгили специалистле бла бизни ЛОР врачла бир бирге сынамларындан билдиргендиле. Къонакъла стационарларыбызны ишлерине бюсюрегенлерин да букъдурмагъандыла эм керек оборудование бла тынгылы жалчытылыннганларына ыспас этгендиле.

Астраханьдан врачла бирси регионладан коллегаларына сынамларындан билдирирча жыл сайын ишчи жолоучулукъ бла регионланы жокълайдыла. Аны чеклеринде жангы амалланы ачыкълайдыла эм технологияла бла шагъырей этедиле.

 

Бизни корр.
  • 10 просмотров
Поделиться: