Битеуроссей эришиуден – «алтын» бла

СССР-ни сыйлы тренери В.Б. Кантерманны хурметине аталып, Москвада грек-рим тутушуудан битеуроссей эришиу къуралгъанды, анга къыралны жер-жерлеринден 2009-2010 жыллада туугъан гёжефле къатышхандыла.

Тутушханланы араларында Элбрус районну Байзуллаланы Юсюпню атын жюрютген олимпиада резервли спорт школуну келечиси Тохаланы Альберт да болгъанды, 57 килограммгъа дери ауурлукъда ол битеу къаршчы спортчуланы хорлагъанды. Беш тюбешиу бардырып, алтын майдал бла къайтханды. Аны бла гёжеф Россейни спортуну устасына марданы да толтургъанды. Аны Россейни сыйлы тренери Локияланы Юрий бла тренер-преподаватель Балаланы Алим юйретедиле.

Суратда: (ортада) Тохаланы Альберт.