«Заман» бизни газетибизди!

Мен таулума деген, кесин чынтты малкъарлыгъа санагъан инсан ёз тилибизде чыкъгъан жангыз газетибизни, журналланы алыргъа керекди, театргъа барыргъа тийишлиди. Алай болмагъанны миллетибизни культурасындан, адет-тёресинден, бюгюннгю жашауундан ангылауу аз боллукъду. Къаллай бир миллет термиле болур быллай газетлери, журналлары болмай!
Тилибиз эрттегилиди, байды, башында айтылгъан чыгъармаланы окъуй турмасакъ, бир-бир сёзлени аз хайырлана, артдан-артха унута барлыкъбыз. Бу ишде «Заман» газетни магъанасы бютюн уллуду. Ол, озгъан жылланы эсибизге салгъандан сора да, бюгюнлюкде къыралыбызда, дунияда да бола тургъан жангылыкъланы дайым басмалайды.
Аны ючюн биз анга уллу кёллю болмайыкъ – анга ие болайыкъ! «Заман» бизни газетибизди!