Президентибиз Владимир Путин миллет проектлеге уллу эс бурады

Къырал башчыбыз Федерал Жыйылыугъа этген Чакъырыу сёзюнде  жангы миллет проектлени къурауну юсюнден сорууланы эм шёндю жашауда бардырыла тургъанланы юсюнден Къырал советни комиссиясыны социал экономиканы айнытыууну стратегиялы айнытыу бла байламлы кенгертилген жыйылыуунда жангыдан кётюргенди.

 Хар миллет проектни да баш борчу-адамлагъа керекли магъаналы жумушланы тамамлауду эм жашауларын игилендириудю. Беш жылны ичинде биз кёп тюрлю къыйматлы ишлени эмда халкъгъа бек керек болгъан иги жанына тюрлениулени этгенбиз.

Жаланда бизни республикада окъуна жюзге жууукъ мекям ишленнгенди эм тынгылы жангыртылгъанды. Биз социал инфраструктурабызны шёндюгюлю излемлеге келишдиребиз, юйюрлеге болушабыз, агропромышленность бёлюмде уруннганлагъа себеплик этиледи, предпринимательлик бла кюрешгенлеге, туризм бёлюмде, къурулушда эм башха жерледе иш ачханлагъа не жаны бла онг тапдырылады.  

Бизни къырал башчыбыз белгилегенича, бек башы, миллет бла байламлы магъаналы ишлени Россей Федерацияны регионларында, шахарларында, эллеринде чеклерине жетдириудю. Ма аланы тамамларгъа бурулупдула миллет проектле. Башхача айтханда, хар элде шёндюгюлю школ, амбулатория, спорт майдан, айныгъан инфраструктура болургъа керекди.

 Бюгюнлюкге кёп зат этилгенди, ийнанама, мындан ары да биз тохтап къаллыкъ тюйюлбюз- миллет проектле анадан ары тамамланырыкъдыла эм къыралны айныуу тохтарыкъ тюйюлдю. Аны юсюнден КъМР-ни Башчысы Казбек Коков кесини телеграм каналында билдиргенди.