Къабарты-Малкъар Республиканы Башчысы К.В.Коковну Россейли парламентаризмни кюню бла алгъышлауу

Хурметли сенаторла бла депутатла!
Сизни Россейли парламентаризмни кюню бла жюрегимден къызыу алгъышлайма!

Властьны законла чыгъарыучу эмда келечиле органларыны къыралны  жашауунда магъаналары бек уллуду. Жарашдыргъан законла бла ала  экономиканы эмда социал бёлюмню къыйматлы айныуларына кючлю мурдор саладыла, Россейни жалынчакъсызлыгъын бла къоркъуусузлугъун кючлеу эмда жамауатны къолайлыгъын игилендириу жаны бла магъаналы иш бардырадыла.

Арт заманлада парламент ишледе энчи аскер операциягъа себеплик этиу баш жерни алады. Законла чыгъарыучула СВО-гъа къатышханлагъа эмда аланы юйюрлерине болушлукъну кёбейтиу, къыралыбызны, ол санда регионубузну да, тутхучлу айныуларын жалчытыу  жаны бла терк окъуна мадарла этедиле.

Россейли парламентаризм заманны излемлерине мындан ары да мычымай эс бурлугъуна, къыралыбызны миллет сейирлерин къоруулау эмда аны кючюн керелеу жаны бла бек магъаналы борчланы жетишимли тамамларыгъына толусунлай ийнанама.
Кийик саулукълу болугъуз, туугъан Къабарты-Малкъарыбызгъа бла Ата журтубузгъа жууаплы да, хайырлы да иш  тындырасыз да, ол ишигизде бютюн бийик жетишимлеге жетеригизни сюеме.