Жыр эмда тепсеу къауумла Санкт-Петербургга барлыкъдыла

Бешинчи октябрьде Санкт-Петербургда «Северный Кавказ: синтез мира, синтез искусств» деген ат бла къуралгъан экинчи фестивальны гала-концерти боллукъду.  РФ-ни Шимал Кавказны ишлери жаны бла министерствосуну эмда ТАСС-ны информагентствосуну башламчылыкълары бла  бардырылгъан тематикалы культура форумну баш мураты уа къыралны жамауатын регионну  миллет искусствосу, туристлени алыу жаны бла онглары бла шагъырейлендириудю, Россейде жашагъан халкъланы араларында шуёхлукъну, бирликни кючлеудю.

Сайлауланы республикалы урумуну эсеплерине тийишлиликде сагъынылгъан фестивальгъа Къабарты-Малкъарны эмда СКФО-ну вокал эмда хореография ансамбльлери къатышырыкъдыла. РФ-ни Искусстволарыны сыйлы къуллукъчуларындан къуралгъан профессионал даражалы жюри а ары «Тепсеу», «Жыр искусство», «Музыка искусство», «Суратлау сёз» эмда «Сурат алыу» ызлада кёргюзтюлген ишлени тинтгенди эмда алада хорлагъанланы  къыралыбызны шимал ара шахарына барыргъа айыргъанды.