Эки майдал бла къайтханды

Октябрьни ахырында Дагъыстанда шахматладан СКФО-ну биринчилиги ётгенди. Ол Махачкъаланы 39-чу лицейинде беш кюнню ичинде бардырылгъанды. Биринчиликге  7-18-жыллыкъ 230 жаш шахматчы къатышхандыла.

Жыл санлары 17 жылгъа жетмегенлени къауумунда Текуланы Эмир эки тюрлю шахматлада эришгенди. Терк шахматлада ол 9 оюнда 7 хорлам болдуруп, биринчиликни «кюмюшю» бла эм блиц оюнда да «доммакъ» къытханды. Кеси жыл саны къауумунда  Эмир 11 турда усталыгъын кёргюзтюп, тогъузунда хорлап, ючюнчю жерге тийишли болгъанды.