Жамауат

Алийланы Шахарбий атлы Къарачай къырал драма театрда Ёлмезланы Мурадинни «Шошлукъну чюйреси» деген чыгъармасына кёре салыннган сахна оюн кёргюзтюлгенди. Аны Къулийланы Къайсын атлы Малкъар къырал драма театрны баш режиссёру Атмырзаланы Магомет салгъанды.

Жангы жылгъа кёп къалмагъанды. Аны бла байламлы жамауат байрамгъа къазауатда хазырланады.

Багъатырланы Хусейни жашы Илияс – журналист, режиссёр, документли киноланы устасы,  КъЧР-ни искусстволарыны сыйлы къуллукъчусу, кёп тюрлю телевидение саугъалагъа тийишли болгъанды. Ол санда профессионал борчун толтургъанда этген эрлиги ючюн «Тэфи» атлы премиягъа да. Халкъла аралы кинофестивальлада да болгъанды хорламлы.

16 декабрьде Москвада Кремльде VIII халкъла аралы жандауурлукъ кадет бал болгъанды. Анга къыралны 84 регионундан кадет классланы, ведомстволу школланы, Суворов, Нахимов атлы училищелени, аскер-спорт жаш тёлю клубланы юч мингнге жууукъ келечиси къатышхандыла. 

Эчки сютню ийнекникинден баш энчилигинден бири аллергия этдирмегениди. Ийнек сютча аны да казеинлери барды, болсада аллергияны къозгъагъан альфа-1s тюрлюсю жокъду. Аны бла бирге эчки сютню къурамында шекер (лактоза) да аз болгъаны ючюн аллай элемент келишмегенлеге да жарайды. Ол себепден продукт ични да ётдюрмейди. Сютню жауу да хата салырча тюйюлдю эм женгил татыйды.   

Бюгюнлюкде къыралда жемишни бла наныкъны ючден бири Къабарты-Малкъарда жыйылады. Бусагъатда республикада кёпжыллыкъ битимле 24,5 минг гектарда ёсдюрюледиле, андан терк айныгъан терек бахчалагъа 19,5 мингден аслам гектар жетеди. Саулай алып айтханда, быйыл 535 минг тоннадан аслам тирлик алыннганды. Анга кесини юлюшюн Экинчи Чегемде чекленнген жууаплыгъы болгъан «Богатый урожай» биригиу да къошханды. Биз аны производство бёлюмюне башчылыкъ этген Жамалдинланы Азамат бла тюбешип, ушакъ этгенбиз.

Къабарты-Малкъарны Башчысы Казбек Коков, Бахсан, Зольск эмда Прохладна районлада уллу желле уруп, электрокюч бла жалчытыу бузулургъа боллугъуну юсюнден эсгертиу этгенди.

Къабарты-Малкъар Республиканы «Кёп жумушланы тамамлагъан жаш тёлю арасы» КъМР-ни Жаш тёлюню ишлери жаны бла министерствосуну себеплиги бла «Проф.ток» деген усталыкъ сайларгъа болушуу жаны бла ярмарка къурагъандыла.

Бу кюнледе Къабарты-Малкъар  гуманитар-техника колледжде жыйылыу болгъанды.  Ары Нальчикни биринчи номерли школа-интернатындан, кеслери  юйлеринде  окъугъан саулукъларында энчиликлери болгъан  сабийле да  къатышхандыла. Алагъа    жарыкъ  тюбегендиле,  концерт  программа  да  кёргюзтгендиле.

Гитче эмда орта предпринимательство бла кюрешгенлеге, дагъыда кеслери иш къурап къармашханлагъа «МПС» деген Къырал корпорация кёп жаны бла билеклик этеди.