Сакълыкъгъа эм сабырлыкъгъа чакъыргъанды

Къабарты-Малкъарны Башчысы Казбек Коков, Бахсан, Зольск эмда Прохладна районлада уллу желле уруп, электрокюч бла жалчытыу бузулургъа боллугъуну юсюнден эсгертиу этгенди.

«КъМР-ни районларында желле кюч алырла деген къоркъуу барды. Талай къысха заманнга связь тас болургъа, терекле ауаргъа, мекямланы башлары да бузулургъа боллукъдула. Республикада жашагъанлагъа, къонакълагъа да тилегим барды: сакъ болугъуз, электрокюч ызлагъа бютюнда уллу эс буругъуз», - деп жазгъанды регионну Башчысы социал сетьде кесини бёлюмюнде.

Авариялы службала бек уллу сакълыкъда ишлегенлерин да белгилегенди Казбек Коков. Абери болса уа, тийишли службаланы 112 бирикген номерине сёлеширге чакъыргъанды.

Регионну Башчысы болумну энчи контрольда тутады.

Поделиться: