Хунерликлерин ачыкълагъандылаКъабарты-Малкъар къырал университетде «Мистер КБГУ-2024» деген ат бла эришиу бардырылгъанды. Анга уа бу жол жетеулен къатышхандыла. Аны башламчылары уа окъуу юйню жаш тёлю политика эмда юйретиу иш жаны бла управлениясыны келечилери болгъандыла. Эм алгъа жашла сайлауладан ётгендиле, кеслерини юслеринден презентацияла этип, аланы видеогъа алдыргъандыла, спонсорланы излегендиле, жюрини къауумун да тохташдыргъандыла. Бек сейири уа чыгъармачылыкъ жаны бла эришиу болгъанды. Эришиуге къатышханлагъа, баям, соруулагъа жууапла берирге керек бёлюм къыйыныракъ кёрюннген болур. Мында чам, лакъырда эте билгенлерин, бир тюрлю болумну оюн халгъа буралгъанларын ачыкъларгъа керек эдиле. Жюрини келечилерини оюмларына кёре уа, къараучуланы саугъалары Асанланы Тамирланнга жетгенди. Ол КъМКъУ-ну педагогика колледжини окъуучусуду. «Мистер КБГУ-2024» деген атха уа жалгъан интеллект эмда тарихли технологияла институтну студенти Султан Кишев тийишли болгъанды.
Поделиться:
Читать также:
28.03.2024 - 10:00 →
«Хар жазылыу кампаниягъа тири къошулабыз»
28.03.2024 - 09:31 →
Сабийликни дуниясында
28.03.2024 - 09:05 →
Ниет хазнабызны айнытханла
27.03.2024 - 17:34 →
Картофдан бай тирлик къууандырады
27.03.2024 - 17:33 →
Бахчаланы буздан къорууларгъа – 40 миллион сом
|