Кадр конкурсну чеклеринде усталыкъланы ярмаркасы богъанды

КъМР-ни Башчысыны къуллугъун толтургъан Казбек Коков Къабарты-Малкъар къырал университетде «Усталыкъланы ярмаркасы эм насийхатчылыкъны программасы»   социальный магъаналы акциягъа къатышханды. Ол «Жангы бийиклик» республикалы кадр конкурсну чеклеринде бардырылгъанын айтырчады.
Анга къатышханла интернатлада окъугъан эмда къыйын жашау болумгъа тюшген юйюрледен сабийле бла  тюбешгендиле. Аны аллында уа ала бу къауум сабийле бла ушакъла бардырыргъа, сабийликни, аналыкъны сакълау жаны бла  къырал политикагъа   юйреннген эдиле.
Акциягъа къатышханла социальный магъаналы сорууланы тамамлагъанда оноула къалай чыгъара билгенлерин кёргюзтюрге керек эдиле, деп чертгенди психология илмуланы доктору, профессор, РФ-ни Президентинде «Сабийликни онжыллыгъы» программаны жашауда бардырыу жаны бла Координация советни  келечиси  Галина Семья. Ала акъылбалыкъ болмагъанланы жашауда кеслерине тюз борчла салыргъа, усталыкъны сайларгъа  юйретирге, билим алыргъа, айныргъа кёллендирирге керек эдиле.
Акциягъа республиканы   билим бериу, саулукъ сакълау, эл мюлк, информатизация, къоркъуусузлукъ, къырал служба, къурулуш, сервис эм туризм, промышленность эм сатыу-алыу жаны бла билим берген учрежденияларыны келечилери къатышхандыла.