Жангылыкъла

Къабарты-Малкъарда «Къоркъуусуз эм тынгылы автомобиль жолла» миллет проектге кёре жолланы танг кесеги жангыртылгъанды. Быйыл да республиканы кёп жерлеринде тынгылы ремонт ишле барадыла. Ол санда «Урван – Уштулу» федерал эм «Эски Черек-Жемтала – Сукан – Суу» регион жоллада да. Саулай алып айтханда, эки участокда да 2,3 километр чакълы бирине къараллыкъды.

«Каббалкэнерго» компанияда электрокюч сетьлеге къараучу эмда алагъа ремонт этиучю специалистлени араларында эришиуле бардырылгъандыла. Бу жол ала Черек районда бёлюмню окъутуу-юйретиу тийресинде ётгендиле, деп билдиргендиле энергетиклени организациясындан.

2026 жылгъа «Эльбрус» курортну жангыртыргъа умут барды. Ол заманнга Кавказ.РФ Азау таланы эм аны тийресин айбатландырыргъа, жангы объектле – тири солуу бардырырча парк, променад, спорт майданла – ишлерикдиле.

Элбрус курорт 2023-2024 учуу сезоннга сабийлеге бла абаданлагъа ски-пассланы сатып башлагъанды, майны ахырына дери аланы 46 процентге учузуракъ алыргъа боллукъду, деп билдириледи республиканы Курортла эм туризм министерствосуну телеграмында.

Зольск районда урлукъ себиу иш тири барады. Бу кюнлеге арендаторла 5135 гектарда ишни тамам этгендиле. Аны асламысын – 4700 гектарны -нартюх алады. Дагъыда жазлыкъ арпа 371, зынтхы - 19, будай – 25, тритикале – 20 гектарда себилгендиле. Аладан сора да, силосха жараулу нартюх 193, мал ашха жарашдырыллыкъ битимле уа  180 гектарда битерикдиле, деп билдиргендиле районну администрациясындан.

КъМР-ни Къурулуш, архитектура эмда жашау журт –коммунал мюлк министерствосундан билдиргенлерича, быйыл  биринчи кварталгъа  134 минг квадрат метрден аслам  жашау журт ишленнгенди.  

Бизни республикада коммерциялы предприятиялагъа арт кезиуде Роспотребнадзорну КъМР-де Управлениясыны атындан кёп сёлешип башлагъандыла

Республикада туризм жаны бла сакъат адамлагъа тынчлыкълы онгла къурау баш магъаналы борчладан бириди

КъМР-ни Транспорт эмда жол мюлк министерствосундан билдиригенлерича, «Къоркъуусуз эм качестволу автомобиль жолла» миллет проектге кёре, бу кюнледе подряд организацияланы кючю бла Элбрус районда  бир къауум жолгъа къыстау тынгылы ремонт этиледи. Саулай алып айтханда, тийишли ишле алты километрге жууукъ жерде тамамланырыкъдыла.

 Сагъынылгъан проектни чеклеринде бусагъатда   Элбрусну  Мусука улу, Школьная эм  Бук орамларында  1,3 километр чакълы бирде жолну мурдорун кючлерча ишле тамамлана турадыла.  

В строю бригады "Дон" наряду с другими отрядами, которые сегодня несут боевую службу на передовой линии в наиболее опасных районах СВО, появился специальный боевой отряд "Аксай", сообщает сайт Российское казачество.