Жангылыкъла

КъМР-ни Башчысы Казбек Коков РФ-ни Къурулуш эмда жашау журтла-коммунал мюлк министерствосуну коллегиясыны бла Регионланы айнытыу жаны бла правительстволу комиссияны президиумуну бирикген жыйылыуларына къатышханды. Кенгеш видеоконференция халда  РФ-ни Правительствосуну Председателини орунбасары Марат Хуснуллинни башчылыгъы бла бардырылгъанды.

Бу кюнледе «Нарт» къонакъ юйде от ёчюлтюу бла байламлы юйрениуле ётгендиле. Аны ведомствону энчи къауумуну аслам адам жашагъан  кёпкъатлы юйледе тюшген отланы ёчюлтюуге хазырлыгъын тинтиу мурат бла бардыргъандыла.

«Россети Шимал Кавказ» компания Къабарты-Малкъарда борчла этип тургъан 232 инсан бла быйыл биринчи кварталда келишимле этгенди. Алагъа кёре, бу адамла борчларын кезиу-кезиу тёлеп жабаргъа боллукъдула. Энергетикле айтханларына кёре, аланы барыны да берликлери 1,7 миллион сомдан аслам болады.

Багъалы шуёхла!  «Заман» миллетибизни жангыз газетиди. Аны бетлеринде малкъар халкъны маданиятыны, тарыхыны, бюгюннгю жашаууну, айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха изданияда табаллыкъ тюйюлсюз.

Ново-Ивановское элде жолгъа ремонт этиле турады. Аны узунлугъу 2,5 километрди. Ол кеси да элден Нальчик-Майский трассагъа чыгъады. Республиканы Транспорт эмда жол мюлк министерствосундан билдиргенлерича, ишчиле анда эски асфальтны къырып кетергендиле, ызы бла тюзетирча бир кере асфальт жайгъандыла. Энди уа аны жангы тюрлюсюн (зыгъыр-чайыр) жайыу бла кюреше турадыла. Аны бошагъандан сора жолну жанларын тап этерикдиле, белгиле да орнатырыкъдыла. Хар нени да бу жаз башында тамамларгъа таукелдиле.

КъМР-ни Башчысы Казбек Коков Ораза байрам бла байламлы 21 апрельни солуу кюннге санауну юсюнден указгъа къол салгъанды.

Хурметли жамауат. «Заман» миллетибизни жангыз газетиди. Аны бетлеринде малкъар халкъны маданиятыны, тарыхыны, бюгюннгю жашаууну, айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха изданияда табаллыкъ тюйюлсюз.

«Заман» миллетибизни жангыз газетиди. Аны бетлеринде малкъар халкъны маданиятыны, тарыхыны, бюгюннгю жашаууну, айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха изданияда табаллыкъ тюйюлсюз.

Къабарты-Малкъарда саулукъларына чып тюшген сабийлеге Нальчикде бассейннге хакъсыз жюрюрге онг берилгенди. Бу жумушну республиканы Правительствосуну, Сакъат сабийлени битеуроссей организациясыны регионда бёлюмю, Водолечебницаны администрациясы бла бирге къурагъандыла. Бассейн сабийлеге хар ыйых кюн сагъат 10-12 дери бериледи. Ол кезиуню ичинде ала эки къауумгъа юлешинип жюзедиле,  бир кереге отуз адам кирирге боллукъдула.

Бу кюнледе Басхан ауузунда Минги тауну тийресиндеги эки бош участкагъа къараргъа инвесторла келгендиле. Аны юсюнден «Кавказ.РФ» акционер обществону пресс-службасы билдиреди. Алай бла энчи экономика зонада 3 минг адам сыйынырча къонакъ юйле, спорт комплекс, тюбинг-парк эм черек жагъасы бла жаяу жолчукъ ишлер мурат барды.