Жангылыкъла

Министерством по делам молодежи Кабардино-Балкарской Республики объявляется конкурс по формированию нового состава Молодежного правительства Кабардино-Балкарской Республики.

Нальчик шахар округда орамланы жангыртыу ишле тири барадыла. Специалистле шёндю Симиренко орамда къармаша турадыла. Шахарны администрациясындан билдиргенлерине кёре, анда асфальт иги да тозурагъан эди. Аны себепли, сора дагъыда ол тийреде жашагъанланы тилеклерине да эс буруп, орамны жангыртыу планнга къошаргъа оноу этилгенди. Алай бла шёндю анда эски асфальтны къырып кетергендиле, жангысын жаяргъа хазырлап, энди аны да этип башлагъандыла. Ишни келир айны ортанчыларында бошаргъа умут этедиле.

Кёп болмай  Къабарты-Малкъарда профессионал билим берген учреженияланы арасында  бардырылгъан  "Жылны устасы-2023" деген битеуроссей конкурсну регион кесегини  эсеплери чыгъарылгъандыла.   

КъМР-ни  Къурулуш эмда жашау журт-коммунал мюлк  министерствосундан билдиргенлерича,  быйыл «Ветеранла» эм «Россей Федерацияда сакъатланы социал къоруулау»  федерал законлагъа тийишлиликде, Къабарты-Малкъарда энчи къауумдан 34 адамны фатарла бла жалчытырча къырал бюджетден ахча бёлюннгенди.

Май районну администрациясындан билдиргенлерича, муниципалитетни тийресинде юч орта школгъа шёндю тынгылы ремонт этиле турады. Ишле «Билим бериу» миллет проектни чеклеринде бардырыладыла.

Прохладна районда «Восход» предприятияда «Сабанны кюню» ётгенди. Бу жол аны кюзлюк будайгъа жоралап бардыргъандыла. Аны къураугъа мирзеуню П.П. Лукьяненко атлы миллет арасы (Краснодар ш.) себеплик этгенди. Анга эл мюлк организацияланы, къырал учрежденияланы, ол санда Россельхозараны КъМР-де бёлюмюню келечилери эм башхала къатышхандыла.

Россей Федерацияны Экономиканы айнытыу министерствосу къыралда кёп жумушланы тамамлагъан араланы (МФЦ) былтыр ишлерини къыйматлылыгъыны рейтингин къурагъанды. Аны 33 кёрюмдюге кёре жарашдыргъандыла, алада цифралы, сора эм жангы технологияла нечик хайырланылгъанына да къарагъандыла.

Къабарты-Малкъарда «Къоркъуусуз эм тынгылы автомобиль жолла» миллет проектге кёре жолланы танг кесеги жангыртылгъанды. Быйыл да республиканы кёп жерлеринде тынгылы ремонт ишле барадыла. Ол санда «Урван – Уштулу» федерал эм «Эски Черек-Жемтала – Сукан – Суу» регион жоллада да. Саулай алып айтханда, эки участокда да 2,3 километр чакълы бирине къараллыкъды.

«Каббалкэнерго» компанияда электрокюч сетьлеге къараучу эмда алагъа ремонт этиучю специалистлени араларында эришиуле бардырылгъандыла. Бу жол ала Черек районда бёлюмню окъутуу-юйретиу тийресинде ётгендиле, деп билдиргендиле энергетиклени организациясындан.

2026 жылгъа «Эльбрус» курортну жангыртыргъа умут барды. Ол заманнга Кавказ.РФ Азау таланы эм аны тийресин айбатландырыргъа, жангы объектле – тири солуу бардырырча парк, променад, спорт майданла – ишлерикдиле.