Жамауат

Кёп болмай «Россельхозцентрни» урлукълукъ жаны бла специалистлери Май, Терк, Прохладна эм Бахсан   районда  кюзлюк  къылкъылыланы болумларын тинтгендиле. Аны чеклеринде уллу  мюлкледе эм  башха иеликледе да   будайны эм арпаны качествосуна тынгы эс бурулгъанды.

Быйыл Къабарты-Малкъарда эл мюл организацияла, элчи фермер мюлкле  эм энчи предпринимательле   теплицалада 35 минг тоннагъа жууукъ тахта кёгет ёсдюргендиле. Былтыр бу заман бла тенглешдиргенде, ол 1.5 процентге кёпдю.

Россейни МЧС-ини От тюшюуге къажау къырал службасыны академиясыны  курсантлары министерствону Къабарты-Малкъарда Баш управлениясына алгъан билимлерин бегитир ючюн келгендиле. 20 июльгъа дери ала регионну от ёчюлтюу-къутхарыу бёлюмлеринде юйренирикдиле.

Бусагъатда глобализацияны заманында миллет  маданиятла къуруй баргъанларына шагъатлабыз. Тилле да аздан-аз бола барадыла. Къол усталыкъла бла кюрешгенлени саны да кёп тюйюлдю. Алай таулуланы маданиятлары музейледе окъуна сакъланырча не зат этерге боллукъду? 

Батчаланы Къарабийни жашы Масхут Къашхатауда 1903 жылда туугъанды, Ата журт урушха дери «Къызыл Малкъар» колхозда ишлегенди, урунууда жетишимлери ючюн кёп кере саугъаланнган да этгенди. 1939 жылда уа аны Москвагъа ВДНХ-гъа жибергендиле.  Уруш башланнганлай, 1942 жылда, аны асерге чакъыргъандыла, анда эки жылны къуллукъ этгенди. Экинчи кере жаралы болгъанындан сора юйюне комиссовать этгендиле. Махтаулукъну экинчи эм ючюнчю даражалы орденлери, Уллу Ата журт урушну 2-чи даражалы ордени бла саугъаланнганды. Масхут насыплы къадарлы адамды – урушну, кёчгюнчюлюкню да азабын чегип, юй бийчеси бла жети сабий ёсдюргенди, 87 жылында ауушханды. Аны 35 туудугъу барды, аладан туугъанла да 60-дан асламдыла.

Къабарты-Малкъаргъа белгили блогерле Екатерина бла Дмитрий Козловла эмда «Жолоучулукъдан эсе кёп» телепрограмманы келечилери да келип, республикада жолоучула аслам жюрюген жерлеге айланнгандыла, кёрген затларын видеогъа алдырып, социал сетьлеге салгъандыла эм VK   платформа бла аслам хайырланнганланы шагъырейлендиргендиле.

Дунияда адамлагъа иги тилек этгенден сыйлы уа не барды? Алгъыш, тилек эте билген адамларыбыз кёпдюле. Бизни эм фахмулу поэт жашларыбыздан бири Мокъаланы Магомет да алагъа уста болгъанды. Бюгюн аны Малкъар халкъны жангырыууну кюню байрамлагъан кюн айтхан алгъышларын басмалайбыз.

 Тебердиланы Жамиля полицияны тамата лейтенантыды, ГИБДД-ны ишни къурау-аналитика, оператив информацияны хазырлау эм жолда жюрюуню пропагандасын бардырыу жаны бла бёлюмюню къырал инспекторуду.

«Заман» газетге сиз 2023 жылны экинчи жарымына бир тюрлю сылтаула бла жазылалмай къалгъан эсегиз, халны тюзетирге онг барды.

Урунууда жерин тапханды деп баям Аппайланы Шамилча адамланы юслеринден айта болурла. Ол гитчелигинден окъуна къурулушчу болургъа сюйгенине тюшюнюп, окъууда, ишде да сайлауундан таймай барады. Бизни республикада шёндю талай уллу объектни къурулушуна ол къарайды. Бу ушагъыбыз аны блады.