|
Жамауат
17 марта, 2023 - 14:03
Бу ыйыкъда саулай да къыралда регионланы жаз башы кезиуде тёрели суу басыуладан бла от тюшюуледен къутхарыугъа жораланнган битуроссей юйрениуле бардырыладыла. РФ-ни МЧС-ини КъМР-да Баш управлениясы да ол санда энчи составны къыйын болумлагъа хазырлыгъын ачыкълау жаны бла экикюнлюк команда-штаб юйрениуле ётдюргенди.
17 марта, 2023 - 09:05
От ёчюлтюу-къутхарыу энчи бёлюмде къонакъда Нальчикни 14-ю эм 23-чю мектеплерини окъуучулары болгъандыла.
16 марта, 2023 - 13:04
КъМР-ни илмусуну сыйлы къуллукъчусу, Ингушетияны маданиятыны сыйлы къуллукъчусу, филология илмуланы доктору Биттирланы Тамара, илмуда алгъадан белгиленнген угъай, кеси ызлагъан жол бла бара, жетишимли болгъанлай да келеди. Республикабыздан, къыралыбыздан да тышында алим эгечибизни кёпле таныйдыла, аны билимлилигин, окъуулулугъун да белгилейдиле.
16 марта, 2023 - 11:59
Нальчикде «Газпром межрегионгаз Нальчик» эм «Газпром газораспределение Нальчик» биригиулени кёк отлукъ бла байламлы соруулагъа къарагъан бир арасы былтыргъа ишин эсеплегенди.
16 марта, 2023 - 10:33
Нальчик сууну боюнунда не къасмакъ неда чум терек жокъду. Аланы, тышындан келип, душман къырмагъанды, кесибиз жокъ этгенбиз. Къалай? Жыяр ючюн, кесип, сындырып. Алыкъа тауусулмагъан, анда-мында узакъ суу ырбынлада къалгъан къасмакъны сатадыла. Жылдан-жылгъа, багъасы кётюрюле баргъаннга кере, артына чыгъа турабыз. Чум а не замандан бери жокъду. Базарда, уллу машокну аллына салып, бир тиширыу чынар сата тургъанын кёрюп, сейир-тамашагъа къалып, къууанама. Таулу къатын сунуп сорсам, ол а азербайджанлы болуп чыгъады. Аны бла ушакъ этгенимде, ол былай ангылатды: «Бизде чынарны жыяргъа къоядыла, кесерге уа бир адамны эркинлиги жокъду». Биз а кесебиз, тамблагъы кюнню эсибизге алмай, келе тургъан телюге не къоябыз деп ойламай, тегерекни халек эте турабыз».
16 марта, 2023 - 10:11
Сиз бир тюрлю сылтау бла «Заманнга» жазылмай къалгъан эсегиз, ана тилде чыкъгъан жангыз газетибизни биринчи апрельден алып башларгъа онг барды.
15 марта, 2023 - 11:33
Зокаланы Зейтун кёп жылланы газетде урунуп тургъанды, ишден кетгенден сора да издания бла байламлыкъ жюрютгенди. Малкъар халкъны тарыхыны, аны маданият хазнасыны эм белгили адамларыны юсюнден жазгъанлай тургъанды. Бюгюн газетни сайтында аны унутула баргъан адетлерибиз бла байламлы материалын басмалайбыз.
15 марта, 2023 - 09:15
Бу кюнледе Къабарты-Малкъарда къонакъда Херсон областьдан жюзге жууукъ адам, асламысында сабийлери болгъан юйюрле, болгъандыла. Бир кюнлерин ала республиканы эм белигили жеринде –Элбрусда - ётдюргендиле.
15 марта, 2023 - 08:59
Сиз бир тюрлю сылтау бла «Заманнга» жазылмай къалгъан эсегиз, ана тилде чыкъгъан жангыз газетибизни биринчи апрельден алып башларгъа онг барды.
15 марта, 2023 - 08:58
Къоркъуулу предприятияда аварияны хатасындан ишчини саулугъуна салыннган заран ючюн тёлеулени ёлчеми кёбейтилгенди. Ол жаны бла законну РФ-ни Къырал Думасы бла Федерация Совет къабыл кёргендиле эмда РФ-ни Президенти къол салгъанды.
Страницы
|