Республиканы кёп функциялы арасы – эм игилени санында

РФ-ни Экономиканы айнытыу министерствосу  быйыл экинчи кварталда  регионлада  Къырал эм муниципал  жумушланы тамамлагъан кёп функциялы  араланы (МФЦ)  ишлерин эсеплерча   рейтинг бардыргъанды.  Аны  чеклеринде   онеки тюрлю шартха эс бурулгъанды. Алагъа кёре   Къабарты-Малкъарны учреждениясы  92 процентден аслам  алып эм тири ишлеген  регионланы  тизмесине киргенди.

Рейтингни магъанасы «бир терезени» хайыры бла адамла жашагъан жерлеринде  къырал эм муниципал жумушларын  къалай  тамамлагъанларын,  алагъа  тынч болурча къошакъ халда къаллай   амалла берилгенлерин,  «Мои Документы» деген араланы къурау эм айнытыу иш  къалай бардырылгъанын, бёлюмде  закон,  эсгертиуле  къалай толтурулгъанларын эмда башха затланы  ачыкъларгъа болушады.