|
Все статьи
22 января, 2022 - 10:42
Элбрус районда электрокюч сетьлени Быллымда участкасында мастер болуп ишлеген Диналаны Мухтаргъа, кёп жылланы жарыкъ бетли уруннганы эмда отлукъ-энергетика комплексге уллу къошумчулукъ этгени ючюн Россей Федерацияны Энергетика министерствосуну буйругъу бла «Сыйлы энергетик» деген даражалы ат берилгенди.
22 января, 2022 - 08:10
КъМР-ни Саулукъ сакълау министерствосунда Республикада омикрон-штамм бла байламлы болумгъа аталгъан пресс-конференция бардырылгъанды. Журналистлени сорууларына КъМР-ни саулукъ сакълау министри Рустам Калибатов, Роспотребнадзорну КъМР-де Управлениясыны башчысы Жирослан Пагов, КъМР-ни Саулукъ сакълау министерствосуну штатдан тышында баш врачы-инфекционисти Марина Иванова жууапла бергендиле.
21 января, 2022 - 17:12
Москвада РФ-ни Правительствосуну Председателини Шимал-Кавказ федерал округну ишлери жаны бла орунбасары Александр Новак КъМР-ни Башчысы Казбек Коков бла тюбешгенди.
21 января, 2022 - 16:11
КъМР-ни Башчысы Казбек Коков «Россия-24» каналны корреспондентини сорууларына жууапла бергенди эмда регионда шёндюгю эпидемиология болумну юсюнден билдиргенди.
21 января, 2022 - 16:10
КъМР-ни Башчысы Казбек Коков РФ-ни Президентини Север-Кавказ федерал округда толу эркинликли келечиси Юрий Чайка видеоконференция халда бардыргъан кенгешге къатышханды. Анда сёз СКФО-да санитар-эпидемиология болум сюзюлгенди эмда коронавирус ауруугъа къажау мадарла къалай толтурулгъанларына къаралгъанды.
21 января, 2022 - 15:51
Роспотребнадзорну Къабарты-Малкъарны Управлениясындан билдиргенлерине кёре, къаты сууукъла келгенлери бла байламлы, кесекледен къыйналгъанланы санына танг къошулгъанды. Ол себепден ведомствону келечилери социал магъаналы объектледе эм предприятиялада санитар жорукъла, гигиена эм температура мардала бузулмазча контроль бардырадыла.
21 января, 2022 - 15:48
Кёп болмай Нальчикде Республикалы сабий клиника больницагъа тынгылы ремонт этип башлагъандыла. Аны жангыртыргъа эм керек оборудование бла жалчытыргъа къыралны Правительствосуну резерв фондундан 120 миллиондан аслам сом бёлюннгенди.
Медицина учрежденияны баш врачыны къуллугъун толтургъан Мадина Кашежева билдиргеннге кёре, стационарны корпусларында ремонт баргъанлыкъгъа, аны ишине чырмау салмайды. Жаланда план бла жатхан саусузланы жерлерини бир кесегин азайтыргъа тюшгенди. Алай керек болса, аланы санына кереклиси тенгли бир къошар амал барды.
21 января, 2022 - 15:41
Малкъар адабиятха 1960-чы жыллада келгенлеге бизде алтын тёлю дейдиле. Ала, сюргюн къыйынлыгъын сабийлей кёргенле, киши жеринде ачлыкъ-жаланнгачлыкъ, учузлукъ сынагъанла, не къыйынлыкъланы да хорлап, окъуу-билим алып, малкъар адабиятны бир да болмагъанча бийиклеге чыгъаргъандыла.
21 января, 2022 - 08:10
Жаш тёлю…алгъаракъда Кёп функциялы арагъа бир документ алыргъа баргъанымда, мени аллымда бир жаш: «Мени жумушум кёп заманнга созуллукъду, сиз жаланда хазыр къагъытыгъызны алыргъа келген эсегиз, алгъа ётюгюз», - дейд
20 января, 2022 - 20:51
Бюгюн Москвада КъМР-ни Башчысы Казбек Коков ведео-конференцсвязь амал бла Регионла аралы правительстволу комиссияны штабыны жыйылыууна къатышханды. Аны Правительствону Председателини орунбасары Марат Хуснуллин бардыргъанды.
Анда жоллада къурулуш ишле къалай бардырылгъанларыны кёрюмдюлерине къарагъандыла эм Россейни субъектлеринде интеллектуал транспорт системаланы къурауну юсюнден соруу сюзюлгенди, деп билдиреди республиканы оноучусуну пресс-службасы.
20 января, 2022 - 15:30
Къабарты-Малкъарда былтыр жол мюлк бёлюмде аслам иш тамамланнганды. Саулай алып айтханда, республикада 195 километр чакълы жол мардалагъа келиширча этилгенди. Андан 157 километр регион эм 38 километр да муниципал магъаналыладыла.
20 января, 2022 - 15:27
Бу кюнледе Тырныауузда боксдан Къабарты-Малкъарны Биринчилиги бардырылгъанды. Анда жыл санына кёре Теуаланы Амирхан (46 кг.) биринчи жерни алгъанды. Османланы Салим (75 кг.) а экинчи болгъанды.
20 января, 2022 - 15:11
Базар кюн, асхут заманда, беш-алты акъсакъал ныгъышда олтуруп хапар этебиз.
20 января, 2022 - 14:43
Къабарты-Малкъарда жашагъан 300 юйюрге Россельхозбанк жашау болумларын игилендирирге болушханады, деп билдиреди финанс учрежденияны республикада бёлюмюню пресс-службасы.
Озгъан жылда Къабарты-Малкъарда жашагъанла Россельхозбанкдан жашау болумларын игилендириге 600 миллион сомдан аслам 276 кредит алгъандыла.
Республикада жашагъанланы асламысы займланы бир кере хайырланнган фатарланы сатып алыргъа къоратадыла.
20 января, 2022 - 14:33
Къабарты-Малкъарда «Таза суу» миллет проектге кёре, юч жылны ичинде республиканы Къурулуш, жашау журт –коммунал мюл министерствосу районланы администрациялары бла бирге таза суу бла жалчытырча эллиден аслам объект ишлегенди. Аны хайыры бла жыйырма бир минг адам ичер суу бла жалчытылыннганды.
20 января, 2022 - 14:08
Сбербанкдан эсгертгенлерине кёре, аманлыкъчыла организацияны къоркъуусузлукъ бёлюмюню ишчилерибиз деп, адамлагъа сёлешедиле эм ахчаларын урлайдыла. Ала банк сизни картагъыз бла ишеклик туудургъан операцияла этилгендиле деп, аны юсюнде жазылгъан данныйлени бла артында къоркъуусузлукъну кодун, сора ийген смс-леринде келген тарихлени айтырыгъызны тилейдиле. Сёлешген адам бу информацияны излегенлей, мычымай, телефонну салып къойсагъыз игиди. Инсан хакъсыз объявлениялада атын бла телефон номерин къойгъан эсе, хыйлачыла алыучуну атындан сёлеширге да боллукъдула.
20 января, 2022 - 13:54
«Россети Шимал Кавказ» компания былтыр СКФО-да бёлюмлеринде электрокюч инфраструктурагъа ремонт этиу эмда оборудованияны жангыртыу программасын артыгъы бла толтургъанды. Андан билдиргенлерича, ол кезиуге белгиленнген жумушланы Къабарты-Малкъарда барын да тындырып, аны юсюне бу жаны бла энтта да эки процентге асламыракъ иш этилгенди.
20 января, 2022 - 13:49
«Россельхозараны» Къабарты-Малкъарда бёлюмюню специалистлери урлукъгъа фитоэкспертиза этиуге бек уллу магъана бередиле, деп айтылады учрежденияны билдириуюнде.
20 января, 2022 - 13:37
«Таза суу» деген проект бардырылып башланнган юч жылны ичинде Къабарты-Малкъарны Къурулуш эм жашау журт-коммунал мюлк министерствосу, республиканы муниципалитетлери бла бирге суу бла жалчытхан 51 объект ишлегендиле. Аны бла 21 мингден артыкъ адамны излемлерин толтургъандыла.
20 января, 2022 - 13:34
Бу декабрь ай байрамладан бай болгъанды дерчады. Элбрус районнга, ол санда эм ариугъа эмда сюйдюмлюге тауланы халкъла аралы Кюнюн санаргъа тийишлиди. «Приэльбрусье» Миллет паркны экология жарыкъландырыу бёлюмю аны бла байламлы тематика конкурс бардыргъанды.
Страницы
|